Story Image
მსოფლიოს 8 სტრატეგიულ ქალაქში ქართული დიასპორის წარმომადგენლები ერთობლივ სამოქალაქო პროტესტს აანონსებენ. 24 და 25 ოქტომბერს დაგეგმილი გლობალური აქციის მთავარი მოთხოვნა საზღვარგარეთ მცხოვრები საქართველოს მოქალაქეებისთვის საარჩევნო უფლებების სრულფასოვანი რეალიზება და ხმის მიცემის პროცესის უზრუნველყოფაა.

ორგანიზატორების განცხადებით, დიასპორის ჩართულობა ქვეყნის დემოკრატიულ განვითარებაში ფუნდამენტური კონსტიტუციური უფლებაა. „საქართველოს მომავალი თითოეულ ჩვენგანს ეხება. ემიგრაციაში ცხოვრება არ ნიშნავს სამშობლოს პოლიტიკური და საზოგადოებრივი ცხოვრებიდან დისტანცირებას,“ - აღნიშნულია გავრცელებულ მიმართვაში.

საინფორმაციო კამპანიასა და საპროტესტო ტალღას სათავეში „ქართველთა მსოფლიო კონგრესი“ უდგას. აქციები გაიმართება ევროპისა და ამერიკის შეერთებული შტატების საკვანძო ლოკაციებზე, მათ შორის საქართველოს საელჩოებთან და ცენტრალურ მოედნებზე:

საპროტესტო აქციების განრიგი და ლოკაციები:

24 ოქტომბერი

  • ირლანდია, დუბლინი | 16:00 – 17:00

    • ადგილი: საქართველოს საელჩო (17 Morehampton Road, Donnybrook, Dublin 4)

25 ოქტომბერი

  • ბელგია, ბრიუსელი | 15:00 – 17:00

    • ადგილი: საქართველოს საელჩო (Rue Père Eudore Devroye 245, 1150 Woluwe-Saint-Pierre)

  • პოლონეთი, ვარშავა | 15:00

    • ადგილი: საქართველოს საელჩო (Kryniczna 2, Warszawa)

  • გერმანია, ჰანოვერი | 16:30 – 17:30

    • ადგილი: Opernplatz 1, 30159 Hannover

  • იტალია, ლივორნო | 15:00

    • ადგილი: Piazza Attias, Livorno

  • ნიდერლანდები, როტერდამი | 17:00

    • ადგილი: Westerkade 7E, 3016 CL Rotterdam

  • უნგრეთი, ბუდაპეშტი | 13:00

    • ადგილი: Ferenciek tere, 1053 Budapest

  • აშშ, ნიუ-იორკი | 13:00

    • ადგილი: 3111 Ocean Pkwy, Brooklyn, NY 11235

ორგანიზატორები მოუწოდებენ საზღვარგარეთ მცხოვრებ ყველა თანამემამულეს, გამოხატონ სამოქალაქო პოზიცია, ჩაერთონ საინფორმაციო კამპანიაში და აქტიური მონაწილეობა მიიღონ დიასპორის საარჩევნო უფლებების დასაცავად დაგეგმილ ღონისძიებებში.